ඔයා මගේ වෙන තුරා...

ඔය ඇස් දැකලා මගේ ඇස් පෙරූ පිරුම්
ඔය හිත මගෙ කර ගන්නට සිතූ සිතුම්
හීන වලට ඔබ වැඩියේ හිතට හොරෙන්
එදා වගේ ඔබ තවමත් මගේ පැතුම්

දෑත් වෙලාගෙන මන්දාරම් අඳුරේ
කීව කතා මට සිහිවෙනවා නිබඳේ
දෙපා ඔබාගෙන ගලනා ගං ඉවුරේ
තුරුල් වෙලා උන් හැටි තාමත් සිහිවේ

සමනළියක වගෙ නිදහසේ තටු සැලුවා
හීන කතන්දර මා වෙත පැවසූවා
දුර සිටියත් ඔබ මගෙ හිත ළඟ සිටියා
ඇසිපිය සලනා විට ඔබ සිහිවෙනවා

ඈත අහසේ තරු කැටයක් වෙලා ඉඳන්
තනි රකින්න මට හැමදා දෑස් යොමන්
මේ ආත්මේ ලං වෙන්නට නොහැකි බැවින්
එන ආත්මවල අපි අපේ වෙමූ නිතින්...